കൊണ്ടാഴി
ഗ്രാമ പഞ്ചായത്ത്

സംഘകാലഭരണത്തില്‍ നെടുംപുറയൂര്‍ എന്നോരു നാട്ടുരാജ്യമുണ്ടായിരുന്നു. തലപ്പിള്ളി, പാലക്കാട്, ചിറ്റുര്‍ എന്നീ പ്രദേശങ്ങള്‍ ചേര്‍ന്നതായിരുന്നു ആ നാട്ടുരാജ്യം. പില്‍ക്കാലത്ത് തരൂര്‍ സ്വരൂപം നെടുംപുറയൂരില്‍ നിന്ന് പാലക്കാടിനെ സ്വന്തമാക്കി സ്വതന്ത്രരാജ്യമാക്കി. അതിനുശേഷം തലപ്പിള്ളിയും സ്വതന്ത്രമായതായി പറയപ്പെടുന്നു. തലപ്പിള്ളി രാജ്യത്തിന്റെ ആധിപത്യം മണക്കുളം സ്വരൂപത്തിനായിരുന്നുവത്രെ. ഏതായാലും ആ തലപ്പിള്ളി പില്‍ക്കാലത്ത് കൊച്ചിരാജ്യത്തിന്റെ ഭാഗമായിത്തീര്‍ന്നു. വള്ളുവനാടന്‍സംസ്കാരത്തിന്റെ സ്വാധീനം പ്രകടമായുള്ള പ്രദേശമായിരുന്നു തലപ്പിള്ളിയും. അതിനാല്‍ നല്ല ശുദ്ധമായ മലയാളം സംസാരിക്കുന്ന ജനങ്ങള്‍, കുലീനതയും ആഥിത്യമര്യാദയും സൌമനസ്യവും നിറഞ്ഞ പെരുമാറ്റം എന്നിവ ഈ പ്രദേശത്തെ സംസ്കാരത്തിന്റെ സവിശേഷതകളാണ്. കൊച്ചിമഹാരാജാവ്, നാട്ടുരാജ്യത്തെ മഹാക്ഷേത്രമായ തിരുവില്വാമല വില്വാദ്രിനാഥക്ഷേത്രത്തിലേക്കു ദര്‍ശനത്തിനായി എഴുന്നള്ളുക...